បន្ទាយមានជ័យ: ឧបទ្ទវហេតុគ្រោះថ្នាក់ចរាចរណ៍ក្នុងទឹកដីថៃបណ្តាលឲ្យពលរដ្ឋខ្មែរ៣នាក់ម្តាយកូន បានស្លាប់បាត់បង់ជីវិតស្ថិតនៅភូមិណាង៉ាម ឃុំតាប់ប្រាយ៉ា ស្រុកតាប់ប្រាយ៉ា ខេត្តស្រះកែវ កាលពីវេលាម៉ោង១០ព្រឹកថ្ងៃទី១៩ ខែសីហា ឆ្នាំ២០២១។
តាមការបញ្ជាក់ពីនគរបាលស្រុកថ្មពួក បានឲ្យដឹងថាជនរងគ្រោះទាំង០៣នាក់ម្តាយកូនមានឈ្មោះ ជួន ចាន់កុង អាយុ២៤ឆ្នាំជាម្តាយ, ឈ្មោះ ហេង បូណា ភេទស្រី អាយុ០៣ឆ្នាំ(កូន), ឈ្មោះ ហេង សេងមុន្នី អាយុ០២ខែ (កូន) ទាំង០៣នាក់ម្តាយនិងកូនមានស្រុកកំណើតរស់នៅភូមិសាមគ្គី សង្កាត់ប៉ោយប៉ែត ក្រុងប៉ោយប៉ែតខេត្តបន្ទាយមានជ័យ។
ប្រភពដដែលបានបញ្ជាក់ថាមូលហេតុដែលបណ្តាលឲ្យកើតមានគ្រោះថ្នាក់មកពីអ្នកបើករថយន្តឈ្នួលជាជនជាតិថៃ បើករបរថយន្តក្នុងល្បឿនលឿនហើយបានរេចង្កូតធ្លាក់ចូលទៅក្នុងប្រឡាយទឹកបណ្តាលឲ្យអ្នករួមដំណើរជាជនខ្មែរ០៣នាក់ម្តាយនិងកូនស្លាប់បាត់បង់ជីវីតនៅកន្លែងកើតហេតុចំណែកអ្នកបើកបរជាជនជាតិថៃក៏ស្លាប់នៅវេលាម៉ោង០៤:៥០នាទីល្ងាចថ្ងៃទី១៩ ខែសីហា ឆ្នាំ២០២១។
សពពលរដ្ឋខ្មែរទាំង៣នាក់ម្តាយនិងកូន ត្រូវបានអាជ្ញាធរថៃបានដឹកមកតាមច្រកទ្វារបឹងត្រកួន ប្រគល់ឲ្យអាជ្ញាធរខ្មែរដើម្បីប្រគល់ជូនសាច់ញាតិយកទៅចាត់ចែងធ្វើបុណ្យតាមប្រពៃណី៕
